Jago Mangogapi

Humor - Jago Mangogapi

Adongma 2 halak supir ni motor angkutan, martokkar ma halaki di dalan songononma hatana;
“Aha do maksudmu lae?”, ninna Supir A (poso, sekitar 30 tahunan) manjonok tu angkot ni si B (setengah baya, sekitar 45an tahun).
Di alusi supir b “Ho do aha maksudmu lae? Ndang tabo cara muna i nangkanin”.
Ro Supir A, ninna “Cara muna do na so tabo. Ndang adong dikalekson hamu hami tanda naeng lewat hamu”.
Supir B: “Ho do na hurang ajar lae, sae dipepet hamu hami tu kiri, na naeng pamatehon hami do hamu? Di kiri nami i jurang. Dungi hamu ndang adong mangkalekson.

Supir si A. Ahu do, hurang ajar”. huhut lam emosi, “Akh, heang, molo naeng maen eta. Eta annon manang didia, Dokma”.
Supir B turun si angkotna, “Bah, saonnari ma eta. Dirippu ho do mabiar ahu”.Ahu sebagai penumpang di angkot ni si B na hundul di jolo alias ACC merasa ingkon saut do na dua halak on main).
Supir A manjawab, “Par Siantar on do ahu, awas ho annon di huta nami an”.
supir B “Bah, dirippu ho holan ho par Siantar, molo naeng main, eta saonnari, unang pola paente annon. Suara na lam karas, bohi na marmerah manahan muruk na. Sementara Supir A lao tu mobil na sambil mandok, “Awas ho da!”.

Intor mengkel do ahu di bagasan rohaku mangida kejadian i. Memang ma, angka na jago mangogapi do tahe angka jolma on.
Tingki naeng ditopari, intor langsung mangalului alasan, manang langsung lao sambil mandok, “Awas ho da!”.

Gabe taringot ahu tu cerita tentang halak Batak mangogapi halak par huta na asing di Jakarta. Didok na, “Kalau kau tak senang, ayok kita main nanti di pasar”. Dijawab alona i, “Sekarang aja kita main di sini, biar kubantai kau di sini”. Balos ni kedan halak Batak i, “Khan sudah saya bilang nanti”, las mangiccir ma bao i mulak tu jabu na.

Lawak Bahasa Batak

Jago Mangogapi

Mekkel Ho Da [sumber]
Horas ma di hita saluhutna, lawak bahasa batak on dibaen asa mekkel suping hita ganupan.

Thanks for reading & sharing FACE BATAK